इन्टरनेटविनाको विद्युतीय भुक्तानी सुविधा ल्याउन राष्ट्र बैंकको सुझाव

काठमाडौँ । नेपाल राष्ट्र बैंकले हालै एक अध्ययन गरी सबै विद्युतीय भुक्तानी सेवाप्रदायकलाई इन्टरनेटविनाको (युएसएसडी बेस्ड पेमेन्ट सिस्टम) सेवा अनिवार्य रूपले सुरु गर्न निर्देशन दिनुपर्ने निष्कर्ष निकालेको छ।

इन्टरनेटको पहुँचमा नपुगेका सर्वसाधारणलाई लक्षित गरी यस्तो सेवा सुरु गर्न सकिने अध्ययनको सुझाव छ । त्यस्तै, इन्टरनेटको नेटवर्कले काम नगरेका बखत पनि विद्युतीय भुक्तानी सेवा प्रयोग गर्न मिल्ने गरी अहिलेकै प्रणालीलाई सुदृढीकरण गर्न सकिने अध्ययन प्रतिवेदनमा उल्लेख छ।