७ भाद्र २०८१, शुक्रबार
काठमाडौँ। राष्ट्रिय स्वतन्त्र पार्टीका सांसद डोलप्रसाद अर्यालले विचौलियाहरुले बजारको रजगज गर्न नपाउने गरी सरकारले बजार अनुगमन गर्नुपर्ने बताएका छन् ।
शुक्रवार सिंहदरबारमा बसेको प्रतिनिधि सभा अन्तर्गतको उद्योग तथा वाणिज्य र श्रम तथा उपभोक्ता हित समितिको बैठकमा उनले आम उपभोक्ताको हितसँग सम्बन्धित निकायहरुले पनि बजार अनुगमनको काममा ध्यान दिनेपर्ने बताए ।
उनले भने , ‘अव यो दशैँ, तिहारलगायतका चाडपर्वमा विचौलियाको रजगज जुन छ बजारमा । उपभोक्ताहरुले पनि समितिले आउने, बजार नियन्त्रणका लागि सरकारलाई दबाब दियौं भनेर फोटो हालेर मात्रै नबस्नु होला । त्यसमा समितिले पनि आँखा चिम्लिने काम गर्नु भएन । सरकारले पनि जनशक्तिको अभाव भयो भनेर बजार अनुगमनको काम छोड्नु भएन ।’
प्रकाशित मिति: ७ भाद्र २०८१, शुक्रबार
