चीन र चक्रपथ

-प्रदीप पाैडेल

चिनियाँ राजदूत महामहिम छन सोङसँग बिहीबार चक्रपथको कलंकी–धोवीखोला निर्माणको विषयमा छलफल भयो, यसको निर्माणमा यसअघि भएको सम्झौताअनुसार चिनियाँ पक्षले काम गर्नु पर्ने मेरो राय थियो । राजदूत छनले नेपाल सरकारले आफ्नो काम सकेको जानकारी दिएलगत्तै चिनियाँ पक्षले आफ्नो प्रक्रिया सुरु गर्ने बताउनु भयो, उहाँले वसुन्धरा–धोवीखोला खण्ड दोस्रो खण्डमा नपर्ने जानकारी पनि दिनुभयो ।

कलंकी–वसुन्धरा चक्रपथ खण्डको निर्माण सम्झौता सन् २०१८ मा भए पनि अहिलेसम्म प्रगति शून्यप्रायः छ, रुख काटेर अलपत्र छोडिएका छन्, धुँवाधुलोको सास्ती छ, वर्षायाममा ढल सडकबाटै बग्ने र थप समस्या निम्तिने अवस्था छ । यसका कारण सो क्षेत्रमा बसोबास गर्ने तथा हिँडडूल गर्ने आममानिसको स्वास्थ्यमा गम्भीर असर परिरहेको छ, दैनिक जीवनयापनमा असुविधा भएको छ । यही विषयमा मैले प्रतिनिधि सभामा बुधबार चक्रपथको यो खण्ड चिनियाँ सरकारसँग भएको सम्झौताअनुसार नबन्ने हो भने नेपाल आफैंले यथाशक्य छिटो बनाउनु पर्छ भन्दै सङ्कल्प प्रस्ताव दर्ता गराएको छु ।