१७ जेष्ठ २०८१, बिहीबार
काठमाडाैं । प्रधानमन्त्री पुष्पकमल दाहाल प्रचण्ड र एकीकृत समाजवादीका सम्मानित नेता झलनाथ खनालबीच भेटवार्ता भएको छ । प्रधानमन्त्री निवास बालुवाटारमा बिहीबार बिहान प्रचण्ड र खनालबीच भेटवार्ता भएको हो ।
समसामयिक राजनीति विषयका साथै संघीय सरकार र प्रदेश सरकारहरूमा पनि वाम सहकार्यलाई सुदृढ बनाउँदै लाने विषयमा छलफल भएको छ ।यसअघि बुधबार एकीकृत समाजवादीका अध्यक्ष माधवकुमार नेपालसहित कांग्रेस सभापति शेरबहादुर देउवा, जसपा नेपालका अध्यक्ष उपेन्द्र यादव र लोसपा अध्यक्ष महन्थ ठाकुरबीच भेटवार्ता भएको थियो । विशेषगरी मधेस, गण्डकी र सुदूरपश्चिम प्रदेश सरकारबारे छलफल भएको नेताहरूले बताएका छन् ।
प्रकाशित मिति: १७ जेष्ठ २०८१, बिहीबार
