२५ बैशाख २०८१, मंगलवार
काठमाडाैं । सन् २०२४ को वसन्तयाममा सगरमाथा आरोहणका लागि चार सय १४ जनाले अनुमति लिएका छन्। पर्यटन विभागका अनुसार हालसम्म ४१ आरोही समूहका ७५ महिला र तीन सय ३९ पुरुष गरी चार सय १४ जनाले अनुमति लिएका हुन्। अघिल्लो वर्ष हालसम्मकै सर्वाधिक चार सय ७८ आरोहीले सगरमाथा आरोहणको अनुमति लिएका थिए।
विभागको पर्वतारोहण शाखाका अधिकृत चुनबहादुर तामाङका अनुसार योयाममा सगरमाथासहित ३० हिमाल आरोहणका लागि एक सय १२ आरोही समूहका नौ सय ७१ आरोहीले अनुमति लिएका छन्। हिमाल आरोहणको अनुमतिबापत हालसम्म रु ६७ करोड ४७ लाख १४ हजार ६१ रोयल्टी जम्मा भएको छ। सगरमाथाबाट मात्रै रु. ५९ करोड २३ लाख पाँच हजार आठ सय ४९ रकम उठेको छ।
प्रकाशित मिति: २५ बैशाख २०८१, मंगलवार
