२९ चैत्र २०८०, बिहीबार
आँखाको दृष्टि सुधार र सुरक्षाका लागि मात्र नभइ आजभोली फेसनका रुपमा पनि चस्माको प्रयोग बढ्दो रहेको छ । चस्मालाई फेसनका रुपमा लिँदा मानिसहरुले जुन पायो त्यहि चस्माको प्रयोग गर्ने गरेका छन् । यसो गर्नाले आँखामा असर पर्न सक्ने विज्ञहरु बताउँछन् ।
विभिन्न फ्रेम र लेन्सका चस्मा र कुन अवस्थामा कस्तो चस्मा लगाउने भन्ने उपचार विधिअनुसार विज्ञहरुको सुझावमा चस्मा लगाउनु उपयुक्त हुन्छ । साथै, अनुहारको बनोट र आकारअनुसार चस्माको छनौट गरियो भने मानिसलाई अझै सुन्दर देखिन्छ ।
कस्तो अनुहारमा कस्तो सनग्लास सुहाउँछ ?
कस्तो सन ग्लास सुहाउँछ भन्ने कुरा प्रयोग गर्ने व्यक्तिको अनुहारको बनौटमा निर्भर रहन्छ । लाम्चो अनुहार भएको र गोलाकार अनुहार भएको व्यक्तिलाई एउटै आकारको सनग्लास राम्रो देखिदैन । त्यसैले सनग्लास खरिद गर्नुअघि कस्तो सनग्लास लगाउने भन्ने कुरा ख्याल गर्नुपर्छ ।
– अनुहार गोलाकार छ भने सानो आकारको सनग्लास सुहाउँछ । तर, उनीहरुले राउन्ड प्लेन फ्रेम लगाउन हुँदैन ।
– गोलाकार अनुहारमा आयतकार फ्रेम पनि राम्रो मानिन्छ । गोलाकार अनुहारको लम्बाइ र चौडामा खासै अन्तर हुँदैन । यस्तो अनुहारमा आयतकार सनग्लास सुहाउँछछ ।
– आयतकार अनुहार भएकाले एभिएटर फ्रेम उत्तम हुन्छ । लामो अनुहारलाई यस्तो फ्रेमले सहि आकारको देखाउन मद्दत गर्छ ।
– बर्गकार अनुहार भएकाले अन्डाकार फ्रेम भएको सनग्लास लगाउँदा राम्रो देखिन्छ ।
– स्क्वायर फेस भएकालाई अन्डाकार फ्रेम सुहाउँछ ।
प्रकाशित मिति: २९ चैत्र २०८०, बिहीबार
