७ चैत्र २०८०, बुधबार
सम्माेद आचार्य । हाम्रा गामघरमा हर्रो घरघरमा राखिन्थ्यो र विशेष गरी खोकिमा पोलेर चुस्ने चलन् थियो । हर्रो स्वस्थ व्यक्तिलाइ स्वस्थ राख्न अति नै गुणकारी भएकाले आयुर्वेदले रसायनका रूपमा एस किसिमले खान उपदेश दिएको छ।
ग्रीष्मे तुल्यगुडां सुसैन्धवयुतां मेघावनद्धेऽम्बरे
सार्धं शर्करया शरद्यमलया सुण्ठ्या तुषारागमे ।
पिप्पल्या हिमदे वसन्तसमये क्षौद्रेण संयोजितां
राजन् प्राप्य हरीतकीमिव रुजो नश्यन्तु ते शत्रवः ॥
अर्थः हे राजन्, ग्रीष्ममा बराबर् गुड् मिसाएर, आकाश बादलले ढाकिने समय वर्षा ऋतु मा शुद्ध सिदे नुन् मिसाएर, शरद् ऋतुमा सेतो मिस्री मिसाएर, हेमन्त ऋतुमा सुठाको चूर्ण मिसाएर, शिशिर ऋतुमा पिप्लाको धुलो मिसाएर अनि वसन्त ऋतुमा मह मिसाएर खाएको हर्राले सबै रोगको नाश गरे जस्तै यहाँका शत्रुहरु पनि नष्ट होउन् ।
प्रकाशित मिति: ७ चैत्र २०८०, बुधबार
