प्रचण्डले गैरराजनीतिक प्रवृत्ति देखाए – नेसपा

काठमाडौं । डा. बाबुराम भट्टराई नेतृत्वको नेसपाले प्रतिगमन विरुद्धको आन्दोलनबाट लोकतन्त्रको रक्षाका रक्षा गर्न बनेको गठबन्धन विघटन गरि नयाँ गठबन्धनसहित  प्रचण्डको नेतृत्वमा बनेको नयाँ सरकारलाइ सकारात्मक रुपमा लिन नसक्ने बताएको छ ।

नेसपा केन्द्रीय कार्यालय प्रमुख रोशन पोखरेलले जारी गरेको विज्ञप्तिमा नेसपाले मुलुकमा राजनीतिक स्थिरता सहित सुशासन, दिगो विकास र समृद्धि खोजेको र अलोकतान्त्रिक र गैरराजनीतिक प्रवृत्तिहरुको भण्डाफोर गर्दै वैकल्पिक राजनीतिक शक्ति निर्माणको दिशामा दृढता पूर्वक अगाडी बढ्ने प्रतिबद्धता जनाएको छ ।

संसदीय राजनीतिको फोहोरी खेलमा लागेर कुर्सीको लागि राष्ट्र र जनताको हितलाई सौदाबाजी गर्ने, सरकारमा गएर राज्यको दोहन गर्ने, परिवारवाद, नातावाद, सत्ता लिप्रमा लाग्ने प्रवृत्तिले देशलाई राजनीतिक अस्थिरता, निराशा र पश्चगमन तर्फ धकेल्ने निश्चित भएको निष्कर्ष निकालेको छ ।