१३ फाल्गुन २०८०, आईतवार
काठमाडाैं । नेपाली कांग्रेस संसदीय दलले कांग्रेसका वहालवाला राष्ट्रिय सभा सदस्य र नवनिर्वाचित राष्ट्रिय सभा सदस्य बिच परिचयात्मक भेटघाट तथा अन्तरक्रिया कार्यक्रम सम्पन्न भएकाे छ । नेपाली कांग्रेस राष्ट्रिय सभा प्रमुख सचेतक अनिता देवकोटाका अनुसार आज कांग्रेस संसदीय दलको कार्यालय सिंहदरबारमा कार्यक्रम सम्पन्न भएकाे हाे । कार्यक्रममा वहालवाला राष्ट्रिय सभा सदस्य कमला पन्त, अनिता देवकोटा, कृष्णप्रसाद पौडेल, दुर्गा कुमारी गुरुङ, नारायणदत्त मिश्र र माननीय युवराज शर्माले संसदीय अनुभवबारे बताउनु भएकाे थियो ।
निवनिर्वाचित राष्ट्रिय सभा सदस्यहरु कृष्णप्रसाद सिटौला,आनन्द प्रसाद ढुंगाना, विष्णु देवी पुडासैनी, जीतजंग बस्नेत, किरणबाबु श्रेष्ठ, पदमबहादुर परियार, विष्णु कुमारी सापकोटा, कृष्णबहादुर रोकाया र बलदेव बोहराले राष्ट्रिय सभाको गरिमालाई उच्च राख्ने, कानून निर्माणमा सक्रियता साथै जनताका माग र अपेक्षा सम्बोधन हुने गरी निष्ठाका साथ कार्य गर्ने प्रतिबद्धता व्यक्त गरेका थिए ।
प्रकाशित मिति: १३ फाल्गुन २०८०, आईतवार
