१२ फाल्गुन २०८०, शनिबार
काठमाडौं। थापाथलीस्थित परोपकार स्त्री तथा प्रसूति रोग अस्पतालबाट २६ दिनको बच्चा चोरी भएको भन्दै प्रहरीमा उजुरी परेको छ ।
काभ्रे घर भएकी एक महिलाको थापाथलीस्थित परोपकार स्त्री तथा प्रसूति रोग अस्पतालबाट २६ दिनको बच्चा चोरी भएको भन्दै प्रहरीमा उजुरी परेको हो । अस्पतालमा उपचाररत बच्चा केहीबेर लिने भन्दै एक जना महिलाले लिएको उजुरीमा उल्लेख छ ।
बच्चा लिएको केही समयमा ती महिला फरार भएको बताइएको छ । शुक्रबार दिउँसो १२ बजेतिर बच्चा चोरी भएको र अहिलेसम्म नभेटिएको प्रहरीले बताएको छ । उजुरी पछि बच्चा खोजिका लागि प्रहरी टोली खटाइसकेको छ ।
प्रकाशित मिति: १२ फाल्गुन २०८०, शनिबार
