३ फाल्गुन २०८०, बिहीबार
काठमाडाैं । कांग्रेस महासमिति बैठकमा आर्थिक, सामाजिक, धार्मिक सांस्कृतिक र राजनीतिक विषय समेटिएको ५६ पृष्ठको नीति प्रस्ताव पेस हुने भएको छ । नीति अधिवेशन गर्ने गरी कांग्रेसले ७ देखि १० फागुनसम्म महासमिति बैठक आयोजना गर्दै छ । प्रतिवेदन पार्टीका उपसभापति पूर्णबहादुर खड्का संयोजकत्वको नीतिगत प्रस्ताव समितिले तयार गरेको हो । प्रतिवेदन बिहीबार बस्ने केन्द्रीय कार्यसमिति बैठकले पारित गर्न बाँकी छ ।
कार्यसमिति बैठकमा महामन्त्री गगन थापाको संयोजकत्वमा तयार भएको सांगठनिक प्रतिवेदन र महामन्त्री विश्वप्रकाश शर्माले तयार गरेको समसामयिक राजनीतिक प्रतिवेदन पनि पेस हुने विश्वकर्माले बताए । बैठकले महासमिति बैठकमा सहभागी हुने प्रतिनिधिको नामसमेत अनुमोदन गर्नेछ । केन्द्रीय कार्यसमिति बैठकले महामन्त्री गगन थापाको संयोजकत्वमा तयार भएको सांगठनिक प्रतिवेदन र महामन्त्री विश्वप्रकाश शर्माले तयार गरेको समसामयिक राजनीतिक प्रतिवेदन अनुमोदन गर्नेछ ।
प्रकाशित मिति: ३ फाल्गुन २०८०, बिहीबार
