२१ माघ २०८०, आईतवार
काठमाडाैं । सम्पत्ति शुद्धीकरण अभियोगमा दोषी ठहर भएका पूर्वसांसद एवं सिभिल सेभिङ एन्ड क्रेडिट को–अपरेटिभ लिमिटेडका सञ्चालक इच्छाराज तामाङलाई तीन वर्ष कैद सजाय तोकिएको छ।
माघ ७ गते सम्पत्ति शुद्धीकरणमा दोषी ठहर भएका तामाङलाई आइतबार विशेष अदालतले तीन वर्ष कैद र एक अर्ब ७२ करोड जरिवानाको सजाय सुनाएको हो। उनले सवा तीन अर्ब रुपैयाँभन्दा धेरै सम्पत्ति शुद्धीकरण गरेको अदालतको ठहर छ। यस्ताे छ फैसलाः
मुद्दा नं ०७९-cr-००२२
दर्ता मिति-२०७९-०५-१६
कसुर कायम मिति २०८०-१०-०७
सजाय निर्धारण मिति २०८०-१०-२१
फैसला गर्ने मा.न्या.हरु
अध्यक्ष मा.न्या.श्री टेक नारायण कुँवर
सदस्य मा.न्या.श्री तेज नारायण सिह राई
सदस्या मा.न्या. श्री मुरारीबाबु श्रेष्ठ
फैसला-:
प्रतिवादी ईच्छाराज तामाङलाई सम्पत्ति सुद्धिकरण निवारण ऐन, २०६४ काे दफा ३०(१)(क) बमाेजिम विगाे रु १,७२,४४,५९०९७/७५ बराबर जरिवाना र ३ बर्ष कैद हुने
प्रतिवादी श्रृजना शाक्य तामाङलाई ऐ. ऐ. दफा बमाेजिम विगाे रु १,०३,५४,४३,४८७/१० बराबर जरिवाना र १ बर्ष ६ महिना कैद हुने ठहर।
प्रतिवादी केशवलाल श्रेष्ठकाे हकमा ऐ. ऐ. बमाेजिम बिगाे रु २५,६५,८६,१२४/३७ बराबर जरिवाना र १ बर्ष ६ महिना कैद हुने ठहर।
ऐ ऐनकाे दफा ३४(१) र २८(२) बमाेजिम प्रतिवादी ईच्छाराज तामाङ, श्रृजना शाक्य तामाङ, केशबलाल श्रेष्ठ, मिना श्रेष्ठ, प्रतीक्षा तामाङ र प्रतिष्ठा तामाङकाे नाममा रहेकाे सम्पत्ति जफत हुने।
यिनै प्रतिवादिहरु उपर काठमाडाै जिल्ला अदालतमा विचारधिन ठगि मुद्दामा यी प्रतिवादिहरु उपर कसुर ठहर भयमा पिडीतकाे विगाे भरिभराउ गर्ने कार्यले नै प्राथमिकता पाउने ।
प्रकाशित मिति: २१ माघ २०८०, आईतवार
