२८ पुष २०८०, शनिबार
काठमाडाैं । सत्ता पक्षीय गठबन्धन द्वारा गठित राष्ट्रिय सभा निर्वाचन केन्द्रीय समन्वय समितिको बैठकले चारबुँदे निर्णय गरेकाे छ । समितिका संयोजक रमेश लेखकको संयोजकत्वमा समितिका सदस्यहरु वर्षमान पुन, मनिष सुमन, डा. विजय पौडेल,र गोविन्द चौधरीको उपस्थितिमा निर्णय भएकाे हाे । सचिव केशवराज जोशीका अनुसार यस्ता छन चारबुँदे निर्णयः
१. राष्ट्रिय सभा निर्वाचन केन्द्रीय समन्वय समिति – २०८० को सचिवमा अधिवक्ता केशवराज जोशीलाई चयन गर्ने ।
२. मतदाताहरुसँग गठबन्धनका उम्मेदवारहरुको पक्षमा मतदानका लागि गठबन्धन दलका शीर्ष नेताज्यूहरुलाई संयुक्त वक्तव्य जारी गर्न अनुरोध गर्ने ।
३. राष्ट्रिय सभा निर्वाचन प्रदेश समन्वय समिति र जिल्ला समन्वय समिति – २०८० ले गठबन्धन उम्मेदवारहरुको पक्षमा मतदाताहरुसँग चुनाव प्रचारप्रसारदेखि मतगणनासम्म गर्नुपर्ने कार्यहरुको बारेमा आवश्यक निर्देशन दिने ।
४. यस समितिको मिति २०८०।०९।२५ गतेको निर्णय अनुसार सात वटै प्रदेशबाट राष्ट्रिय सभा निर्वाचन प्रदेश समन्वय समिति – २०८० गठन भएको विवरण र जिल्लाहरुमा पनि समिति गठन भईरहेको जानकारी प्राप्त भई सो बारेमा छलफल भयो ।
प्रकाशित मिति: २८ पुष २०८०, शनिबार
