१६ पुष २०८०, सोमबार
काठामडौं। इंग्लिस प्रिमियर लिगको सन् २०२३ को अन्तिम खेलमा शीर्ष स्थानमा पुग्ने लक्ष्यका साथ मैदान उत्रिएको आर्सनल फुलह्यामसँग पराजित भएको छ । आइतबार राति सम्पन्न खेलमा सुरुआती अग्रता लिएको आर्सनलले अन्तिममा १-२ को नतिजा सुम्पिन वाध्य भएको हो ।
त्यस्तै, फुलह्यामविरुद्ध आर्सनलले सुरुआती अग्रता भने लिएको थियो । आर्सनललाई अग्रता बकायो साकाले दिलाएका थिए भने उनले पाँचौं मिनेटमा गोल गर्दै अग्रता दिलाएका हुन् । यो हारसँगै आर्सनले ४० अंकका साथ चौथो स्थानमा रहँदा जित निकालेको फुलह्याम १३औं स्थानमा उक्लिएको छ, तर २९ औं मिनेटमा राउल एलेन्सो गिमिनेजले गोल गर्दै फुलह्यामलाई खेलमा बराबरी गराए भने उनले टम केरिनीको पासमा गोल गरेका थिए ।
यस्तै, बोबी रेइडले ५९ औं मिनेटमा गोल गर्दै फुलह्यामलाई २-१ ले जित दिलाए भने प्रिमियर लिगमा लिभरपुल ४२ अंकका साथ तालिकाको शीर्ष स्थानमा रहँदा एस्टन भिल्ला समान अंकका साथ दोस्रो स्थानमा रहेको छ ।
म्यानचेस्टर सिटी र आर्सनलको समान ४०(४० अंक भए पनि गोल अन्तरमा सिटी तेस्रो स्थानमा रहेको छ ।
प्रकाशित मिति: १६ पुष २०८०, सोमबार
