११ पुष २०८०, बुधबार
काठमाडौं। एनसेल खरिद बिक्री विरुद्ध मानव अधिकार तथा शान्ति समाजले राजधानीमा प्रदर्शन गर्ने भएको छ । प्रदर्शन धर्ना कार्यक्रम आगामी शुक्रबार दिउँसो १ बजे राजधानीको माइतीघर मण्डलामा सुरु हुने बताइएको छ ।
त्यस्तै, राज्य विरुद्ध अपराधको रुपमा रहेको एनसेल महाघोटाला प्रकरणबारे विश्वसनीय न्यायिक छानबिन आयोग गठन गर्न, राज्यको स्वामित्वमा आउनुपर्ने सम्पत्ति राज्यलाई नै हस्तान्तरण गराउन, राज्यलाई ठूलो हानी नोक्सानीबाट जोगाउन, र एनसेल महाघोटाला प्रकरणमा संलग्नहरुलाई कारबाही गर्न आग्रह सहित प्रदर्शन गर्ने भएको हो ।
एनसेल खरिद विक्री प्रकरणमा शीर्ष नेताहरू नै संलग्न रहेको र बारम्बार यो समाचार प्रकाशनमा आएकोले विश्वसनीय न्यायिक छानबिन आयोगको तत्काल गठन गर्न समेत माग गरिएको छ । प्रदर्शनमा शान्ति समाजका संस्थापक सभापति कृष्ण पहाडीसहित नागरिक अगुवाहरूको सहभागिता रहने छ ।
उक्त कार्यक्रममा सहभागी हुन सम्पूर्ण मिडियाका सञ्चारकर्मीहरूलाई आमन्त्रण गरिएको छ । सो कार्यक्रममा सहभागी हुन सम्पूर्ण मिडियाका सञ्चारकर्मीहरूलाई आग्रह समेत गरिएको छ ।
प्रकाशित मिति: ११ पुष २०८०, बुधबार
