१० पुष २०८०, मंगलवार
काठमाडौं। दयाहाङ राई र सौगात मल्ल स्टारर ‘हात्तीछाप’ नेपालसहित दक्षिण कोरिया र जापानमा रिलिज हुने भएको छ । उक्त फिल्म नेपालमा माघ २६ गते रिलिजको तयारीमा रहेको छ ।
सो फिल्म किरण नेपालीको प्रस्तुतिमा सिमोस सुनुवारले निर्देशन गरेको यो फिल्ममा उपासना सिंह ठकुरी, बेनिशा हमाल, विजय बराल, बुद्धि तामाङ, कमलमणि नेपाल, सुष्मा निरौला, विल्सनविक्रम राई लगायत कलाकारको अभिनय रहेको छ ।
त्यस्तै, डायस्पोराको वितरण कम्पनी यूएनएले यो फिल्मलाई ती मुलुकमा प्रदर्शन गर्न लागेको हो भने यूएनएका प्रबन्ध निर्देशक उज्ज्वल गुरागाईंले ती मुलुकको नेपाली डायस्पोरामा फिल्म प्रतीक्षित रहेको बताएका छन् । ‘फिल्मको टिजर सार्वजनिक भएपछि जापान र कोरियाका दर्शकले हात्तीछापलाई प्रतीक्षा गरिरहेका छन् । यसले हामीलाई अझै उत्साहित बनाएको छ,’ गुरागाईंले भने ।
त्यस्तै, जापान र दक्षिण कोरिया नेपाली फिल्मका लागि राम्रो बजार मानिन्छन् ।
प्रकाशित मिति: १० पुष २०८०, मंगलवार
