२५ फाल्गुन २०७९, बिहीबार
२५ फागुन, काठमाडाैँ । भक्तपुर दरबार क्षेत्रमा पुरातात्विक मूर्ति चोरीको प्रयास भएको छ। तलेजु मन्दिर सुन्धारा परिसरमा करिब पौने १ बजे विदेशी नागरिकले मूर्ति चोर्ने प्रयास गरेका हुन् ।
उक्त आरोपमा एक इटालियन नागरिक पक्राउ परेका छन् । उनले आफूसँंग भएको चक्कुले मूर्ति निकाल्न खोजेको प्रहरीले बताएको छ ।
उनले राती मूर्ति चोर्ने प्रयास गर्दै गरेको देखेपछि प्रत्यक्षदर्शीले सेनाको जवानलाई खबर गरेका थिए । त्यसपछि भाग्ने प्रयास गरेका आरोपितलाई पक्राउ गरि प्रहरीको जिम्मा लगाइएको छ ।
प्रहरीले उनको राहदानी जाँच गर्दा उनी राहदानी नं वाईवी २१४५७०८ को इटालियन नागरिक तिजियानो रोन्ची भएको छ । उनिमाथि थप अनुसन्धान भइरहेको प्रहरीले जनाएको छ ।
पुरातत्व विभाग, स्मारक संरक्षण तथा दरवार हेरचाह अडा भक्तपुरकी प्रमुख अरुणा नकर्मीले ती विदेशी नागरिक भक्तपुर नगर प्रवेश गर्दा नगर प्रवेशको टिकटसमेत नलिई चोरबाटोबाट प्रवेश गरेको जानकारी दिएकी छिन् ।
घटनाबारे जिल्ला प्रशाशन कार्यालय भक्तपुर, पुरातत्व विभाग रामशाहपथ काठमाडौं र भक्तपुर नगरपालिका व्यासी भक्तपुरलाई पनि जानकारी गराइएको छ ।
प्रकाशित मिति: २५ फाल्गुन २०७९, बिहीबार
