काग धेरै मरे, संख्या घट्दै गयो : रमेश दुलाल ‘कागे’

काठमाडौं । नेपालीहरुको दोस्रो ठूलो चाड तिहार आजदेखि विधिवत रुपमा शुरु भएको छ । प्रत्येक वर्ष कार्तिक कृष्ण त्रयोदशीदेखि कार्तिक शुक्ल द्वितीयासम्म मनाइने यमपञ्चक अर्थात् तिहारको पहिलो दिन काग तिहारको अवसर पारेर काठमाडौंको रत्नपार्कमा काग सम्मेलन गरिएको छ ।

तिहारको पहिलो दिन काग तिहारको अवसरमा कागको आवाज निकाल्ने कलाकार रमेश दुलाल ‘कागे’ ले काठमाडौँस्थित रत्नपार्कमा २० औँ काग सम्मेलन गरेका हुन् । उनले हरेक वर्षको काग तिहारका दिन काग सम्मेलन गर्दै आएका छन् ।