४ कार्तिक २०८०, शनिबार
काठमाडौं। परराष्ट्र सचिव भरतराज पौड्याललाई सरकारले क्यानडाका लागि नेपालको नयाँ राजदूतमा सिफारिस गरेको छ । कात्तिक २ गते बसेको मन्त्रीपरिषद् बैठकले नेपाल सरकारको प्रोटोकलमा क्याबिनेट मन्त्री सरह हैसियत र सुबिधा पाउने गरी उनलाई राजदूत सिफारिश गरिएको हो ।
पौड्याललाई २० मंसिमा सेवानिबृत्त हुनेछन् । यसअघि ७जना राजदूत सिफारिश गर्दा क्यानाडा खाली राखिएको थियो । परराष्ट्रका सहसचिब भृगु ढुंगाना राजदूतको कार्यकाल सकिएर फर्केपछि क्यानाडाको नेपाली मिसन नेतृत्वबिहीन छ ।
दशैंपछि पौड्यालको संसदीय सुनुवाई हुनेछ । मंसिर २० पछि परराष्ट्र सचिवमा सहसचिव सेवा लम्साललाई नियुक्त गर्ने सरकारी तयारी छ । लम्साल परराष्ट्रका बरिष्ठ सहसचिब हुन् ।
प्रकाशित मिति: ४ कार्तिक २०८०, शनिबार
