बृद्धबृद्धाको सम्मान गरेर दसैँको शुभकामना साँटासाँट

काठमाडौंः शान्तिनरगमा बृद्धबृद्धाको सम्मान गरेर दसैँको शुभकामना आदनप्रदान गरिएको गरिएको छ । काठमाडौं महानगरपालिका वडा नम्बर ३१ मा रहेको विभिन्न सामाजिक संघसंस्थाको संयुक्त आयोजनामा वडामा रहेका चालिस भन्दा बृद्धबृद्धाको सम्मान गरेको हो । कार्यक्रम बागमती प्रदेशसभा सांसद् सुरजचन्द्र लामिछानेको प्रमुख आतिथ्यतामा सम्पन्न भएको थियो ।

कार्यक्रमको आयोजना पतन्जली योग समिती, बाबुछिरी टोल सुधार समिती, शान्तिनगर गेट जागरूक महिला समुह, शान्तिनगर समाज, मिलिजुली टोल सुधार समिती र शान्तिनगर टोल विकास समितीले संयुक्त रुपमा गरेका थिए । कार्यक्रममा वडा नम्बर ३१ का वडा अध्यक्ष सरोज ढकाल, अधिकार सम्पन्न बागमती सभ्यता एकीकृत विकास समितिका सिइओ उद्धवप्रसाद तिमल्सिना,समाजसेवी मुकुन्द पाण्डे लगायतको उपस्थिति रहेको थियो । कार्यक्रममा पिङ हालेर र चंगा उडाएर मौलिक संस्कृतिको जगेर्नाको सन्देश दिइएको थियो ।