१६ आश्विन २०८०, मंगलवार
काठमाडौं: पूर्वशिक्षामन्त्री दीनानाथ शर्माले ॐ शब्द शब्दकोशबाट हटाउने निर्णय भएको भन्ने विषयमा सत्यता नरहेको बताएका छन्। मंगलबार एक विज्ञप्ति जारी गर्दै उनले १२ वर्ष पहिले आफू शिक्षामन्त्री हुँदा ॐ शब्द शब्दकोशबाट हटाउने निर्णय गरेको भन्ने कुरा कपोलकल्पित, भ्रामक र तथ्यहीन प्रचारबाजी मात्रै रहेको प्रस्टीकरण दिएका हुन्।
‘मेरो कार्यकालमा त्यस प्रकारको कुनै पनि निर्णय भएको थिएन। वैदिककालदेखि प्रचलनमा रहेका श्री, ॐजस्ता शब्द हटाउने कुरा सोच्न पनि नसकिने र शब्दकोश, किबोर्डबाट अहिलेसम्म कतै नहटेको तथ्य प्रस्ट पार्दै भ्रममा नपर्न सबैमा अनुरोध गर्दछु,’ विज्ञप्तिमा भनिएको छ।
प्रकाशित मिति: १६ आश्विन २०८०, मंगलवार
