१६ आश्विन २०८०, मंगलवार
काठमाडौं । प्रमुख प्रतिपक्षी नेकपा एमालेका अध्यक्ष केपी शर्मा ओलीले प्रधानमन्त्री दाहालले नै शान्ति प्रक्रिया टुंग्याउन नचाहेको आरोप लगाउदै ‘जनयुद्ध दिवस’ का अवसरमा फागुन १ मा दिने गरिएको बिदा रद्द गर्न प्रधानमन्त्रीलाई आग्रह गरेका छन्।
प्रतिनिधिसभा को बैठकमा बोल्दै एमाले अध्यक्ष केपी ओलीले आफुहरु को सहमति बिनानै गत बर्ष प्रधानमन्त्री दाहालले जनयुद्ध दिवसमा बिदा दिएको बताए। ‘अबको मन्त्रिपरिषद बैठकबाट जनयुद्ध दिवसमा दिइएको बिदा रद्द गर्नुहोस्,’ ओलीले भने, ‘रद्द गर्नुहुन्न भने हामीले यसका विरूद्ध कदम चाल्नुपर्ने हुन्छ।’
आफूहरूले शान्ति प्रक्रियामा सहमति जनाएको तर हिंसा सुरू भएको दिनलाई जयगान गर्न नसकिने ओलीले बताए।
प्रकाशित मिति: १६ आश्विन २०८०, मंगलवार
