Trending
>>   भारतसँग ‘घाँटी जोड्ने’ भिजन पेपरमाथि भीम रावलको प्रहारः नेपालको हित के ? >>   प्रधानमन्त्री बालेन्द्र साह दिल्लीमा, आजै भारतीय विदेशमन्त्रीसँग भेटवार्ता हुने >>   हिन्दुराष्ट्र स्थापना गर्न सडक र सदन दुवै ठाउँबाट आवाज उठाउनुपर्छः खुश्बु ओली >>   सबै दलको सहमतिमा सरकार बनाउँछौँः मुख्यमन्त्री यादव >>   मधेसका नवनियुक्त मुख्यमन्त्री यादवले लिए शपथ >>   प्रधानमन्त्री बालेन्द्र साह दुईदिने राजकीय भ्रमणका लागि भारत प्रस्थान >>   प्रधानमन्त्री साहको भारत भ्रमणमा सहभागी हुन निर्माण व्यवसायी महासङ्घको टोली भारत प्रस्थान >>   भारतमा रहेका नेपालीको पीडाः पहिचान लुकाउनुपर्ने बाध्यतादेखि असुरक्षित यात्रासम्म >>   इरान अमेरिकी शर्तमा सहमत हुन तयार नभएको ट्रम्पको भनाइ, वार्ता अनिश्चित >>   लण्डनमा सैन्य खर्च कटौतीको माग गर्दै प्रदर्शन, शिक्षा र स्वास्थ्यमा लगानी बढाउन आग्रह
Logo
६ मंसिर २०८३, आईतवार
६ मंसिर २०८३, आईतवार

‘पत्रकार महिलामा सूचना प्रविधिको पहुँच जरुरी’


१४ ,असोज ,काठमाडौँ । पत्रकार महिलाको सहभागिता र व्यावसायिक दक्षता वृद्धिका लागि सूचना प्रविधिको पहुँच बढाउनुपर्नेमा जोड दिएको छ ।

प्रेस काउन्सिल नेपालले आज आयोजना गरेको ‘पत्रकार महिलाको अवस्था, समस्या र समाधानका उपाय’ कार्यक्रममा राष्ट्रिय महिला आयोगका अध्यक्ष कमला पराजुलीले सञ्चार क्षेत्र महत्त्वपूर्ण क्षेत्र भएकाले सञ्चारमाध्यमले महिला पत्रकार नेतृत्व तहमा पुर्‍याउनुपर्ने बताईन्‌ ।

प्रेस काउन्सिलका अध्यक्ष बालकृष्ण बस्नेतले महिला पत्रकारको अवस्था, समस्या केके छन् र समाधान कसरी गर्न सकिन्छ भनेर सुझाव लिने उद्देश्यले कार्यक्रमको आयोजना गरेको बताए ।

उहाँले काउन्सिलले महिला पत्रकारको सशक्तीकरणका लागि विभिन्न प्रदेशमा तालिम/प्रशिक्षण दिने तयारी भएको जानकारी दिए ।

सूचना तथा प्रसारण विभागका महानिर्देशक एवं काउन्सिल बोर्डका सदस्य शङ्कर नेपालले संविधान र कानुनले विचार तथा अभिव्यक्त स्वतन्त्रताको प्रयोग गर्दै व्यावसायिकता विकास गर्नुपर्नेमा जोड दिए ।

नेपाल पत्रकार महासङ्घका अध्यक्ष विपुल पोखरेलले श्रम शोषण पत्रकारिता क्षेत्रमा हँुदैन भनेर स्थापित गर्दै सञ्चार गृहमा महिला सम्पादक बनाउन जरुरी रहेको बताए ।

उहाँले सूचना प्रविधिको माध्यम प्रयोग गरेर मिडियालाई व्यावसायिक बनाउनुपर्नेमा जोड दिए । न्यूनतम पारिश्रमिक निर्धारण समितिका अध्यक्ष सङ्गीता खड्काले सूचना प्रविधिको अत्यधिक विकास, कोभिड महामारी र आर्थिक मन्दीले गर्दा सञ्चारमाध्यममा समस्या देखिएको उल्लेख गर्दै श्रमजीवी पत्रकार ऐेनको प्रभावकारी कार्यान्वयन गरेर जानुपर्नेमा जोड दिए ।

सञ्चारिका समूहका अध्यक्ष बिमला तुम्खेवाले सूचना प्रविधिमा महिलाको पहुँच वृद्धि गर्दै नेतृत्व तहमा महिला पत्रकारलाई पुर्‍याउनुपर्नेमा जोड दिए ।

सञ्चारिका समूहका पूर्वअध्यक्ष निर्मला शर्माले पत्रकारिता क्षेत्रमा महिलाको पेशागत र व्यावसायिक सुरक्षाका लागि डिजिटल प्रविधिमा निपुण बनाउनुपर्ने बताए ।

सञ्चारिका समूहका महासचिव वसन्ती बाँस्तोलाले ‘पत्रकार महिलाको अवस्था, समस्या र समाधानका उपाय’ कार्यपत्रको प्रस्तुत गर्दै सम्पादकीय स्तरमा महिला पत्रकारको कमी, पत्रकारिता क्षेत्रका महिलाको गुनासो सुन्ने संयन्त्रको विकास गर्नुपर्ने र सूचना प्रविधिमा महिला पत्रकारको पहुँच बढाउनुपर्ने उल्लेख गरिन्‌।

सहभागी महिला पत्रकारले श्रमजीवी पत्रकार ऐनको प्रभावकारी कार्यान्वयन, सूचना प्रविधिसम्बन्धी तालिम, व्यावसायिक सुरक्षा र क्षमता अभिवृद्धिमा काउन्सिलले काम गर्नुपर्ने सुझाव दिएका थिए ।


प्रकाशित मिति: १४ आश्विन २०८०, आईतवार

यो खबर पढेर तपाईलाई कस्तो महसुस भयो ?