९ भाद्र २०८०, शनिबार
९ भदाै, एजेन्सी । रूसी अर्धसैनिक लडाकूले रूसी झण्डाको सपथ लिनु पर्ने शुक्रबार हस्ताक्षर गरिएको राष्ट्रपति भ्लादिमिर पुटिनको आदेशमा भनिएको छ ।
निर्देशन अनुसार सपथको उद्देश्य स्वयंसेवक संरचनाका सदस्यहरूमा ‘रूसी सङ्घको रक्षाको लागि आध्यात्मिक र नैतिक आधारहरू निर्माण गर्नु’ रहेको छ ।
क्रेमलिनको वेबसाइटमा प्रकाशित आदेशमा भनिएको छ, “सशस्त्र बललाई दिइएको कार्य सम्पादनमा योगदान पुर्याउने समूह र क्षेत्रीय प्रतिरक्षा एकाइमा पनि यो नियम लागू हुन्छ ।”
“लडाकूहरूले ‘रूसी सङ्घप्रति आफ्नो वफादारी, आफ्ना कमाण्डर र उच्च अधिकारीहरूको आदेशलाई कडाइका साथ पालना गर्नुहोस् र इमानदारीपूर्वक आफ्नो दायित्व पूरा गर्नुहोस्,” आदेशमा भनिएको छ ।
प्रिगोजिनले आफ्ना लडाकुहरूलाई मस्कोका उच्च अधिकारीहरूविरुद्ध घातक विद्रोहमा नेतृत्व गरेको दुई महिनापछि राष्ट्रपति भ्लादिमिर पुटिनले उक्त दस्तावेजमा हस्ताक्षर गरेका थिए ।
वाग्नरको भविष्यबारे सोधिएको प्रश्नमा क्रेमलिनका प्रवक्ता दिमित्री पेस्कोभले शुक्रबार भने, “कानुनी रूपमा वाग्नर निजी सैन्य समूहको अस्तित्व छैन ।”
रूसमा भाडाका समूहलाई प्राविधिक रूपमा गैरकानुनी घोषित गरिएको छ ।
प्रकाशित मिति: ९ भाद्र २०८०, शनिबार
