२९ श्रावण २०८०, सोमबार
२९ श्रावण, भक्तपुर । भक्तपुर जिल्ला अदालत भावना तामाङलाई १५ महिना १५ दिन कैद र पीडितलाई सुनसहित ९० लाख रुपैयाँ क्षतिपूर्ति भराउने फैसला सुनाइएको छ ।
न्यायाधीश महेन्द्रप्रसाद पोखरेलको इजलासले भावनालाई ठगी तथा आपराधिक विश्वासघातको मुद्दामा उक्त सजाय सुनाएको हो । दोषी देखिएपछि भावना उक्त कैद र १५ हजार जरिबाना समेत तिर्नुपर्ने भएको छ ।
उनले झुक्याएर आफ्नो नाममा पास गरेको जग्गा समेत फिर्ता गर्नुपर्नेछ ।
भावनाले बिहेको नाटक गरी जापान पुगेपछि सम्पत्ति आफ्नो नाममा बनाएर सम्बन्ध बिच्छेदका लागि दबाब दिइएकी थिइन् । पीडित फुर्वाले जिल्ला प्रहरी परिसर भक्तपुरमा ठगी तथा आपराधिक विश्वासघात अन्तर्गत दर्ता गरेको जाहेरी २०७९ असार १० गते भक्तपुर जिल्ला अदालतमा मुद्दा दर्ता भएको थियो ।
श्रावण १७ गते अन्तिम फैसलामा ठगी तथा आपराधिक विश्वासघातमा दोषी ठहर गरिएकी थिइन् । त्यस्तै, आइतबार (श्रावण २८ गरे)को पेसीमा भावनालाई १५ महिना १५ दिन कैद सजाय र १५ हजार रुपैयाँ जरिवाना तथा पीडित फुर्वा मोक्तानलाई सुनसहित कुल ९० लाख रुपैयाँ क्षतिपूर्ति भराउनुपर्ने फैसला सुनाइएको हो ।
भावनाले आँफुलाई झुक्याएर विवाह गरी १ करोड ४५ लाख रुपैयाँ ठगी गरेको दाबी गर्दै मुद्दा दर्ता गरेका थिए ।
प्रकाशित मिति: २९ श्रावण २०८०, सोमबार
