२२ श्रावण २०८०, सोमबार
२२ श्रावण, काठमाडाैँ । नेपाली बजारमा सोमबार सुनको मूल्य सामान्य घटेको छ भने चाँदीको मूल्य स्थितर छ । आइतबार प्रतितोला तीन सय रुपैयाँ बढेको सुनको मूल्य आज प्रतितोला एक सय रुपैयाँले घटेको हो ।
आज छापावाल सुन प्रतितोला एक लाख १२ हजार चार सय रुपैयाँ र तेजाबी सुन प्रतितोला एक लाख ११ हजार आठ सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
पछिल्लो समय चाँदीको मूल्य भने स्थिर रहँदै आएको छ । तीन दिनदेखि स्थिर रहेको चाँदीको मूल्य आज पनि अघिल्लो दिनकै मूल्यमा कारोबार भइरहेको छ । महासंघका अनुसार नेपाली बजारमा आज चाँदी प्रतितोला १ हजार ४२५ रुपैयाँमा किनबेच भइरहेको छ ।
प्रकाशित मिति: २२ श्रावण २०८०, सोमबार
