८ श्रावण २०८०, सोमबार
८ श्रावण, काठमाडाैँ । नेपाली बजारमा फेरी सोमबार पनि सुनचाँदीको मूल्य घटेको छ । आइतबार प्रतितोला पाँच सय रुपैयाँ घटेको सुनको मूल्य आज प्रतितोला तीन सय रुपैयाँ घटेको छ ।
आज छापावाल सुन प्रतितोला एक लाख १२ हजार रुपैयाँ र तेजाबी सुन प्रतितोला एक लाख ११ हजार चार सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यसैगरी, सोमबार चाँदीको मूल्य पनि घटेको छ । अघिल्लो दिनको तुलनामा आज प्रतितोला ५ रुपैयाँ घटेको हो । आइतबार प्रतितोला १ हजार ४६५ रुपैयाँमा कारोबार भएको चाँदी आज प्रतितोला १ हजार ४६० रुपैयाँमा किनबेच भइरहेको महासंघले जनाएको छ ।
प्रकाशित मिति: ८ श्रावण २०८०, सोमबार
