२८ असार २०८०, बिहीबार
२८ असार, काठमाडाैँ । नक्कली भुटानी शरणार्थी प्रकरणमा फरार रहेका एक जना पक्राउ परेका छन् ।
काठमाडौं उपत्यका अपराध अनुसन्धान कार्यालयले सानोभर्याङबाट एक जनालाई पक्राउ गरिएको प्रहरीले जानकारी दिएको छ ।
पक्राउ पर्नेमा काठमाडौं महानगरपालिका-३० घर भई नयाँबजार खुशिबु बस्ने ५९ वर्षीय केशव तुलाधर रहेका छन् । उनलाई कारबाहीका लागि जिल्ला प्रहरी परिसर काठमाडौं लगिएको छ ।
नक्कली भुटानी शरणार्थी प्रकरणको लेनदेनमा उनको बैंक खाता प्रयोग भएको प्रहरीले जनाएको छ ।
प्रहरीले यस प्रकरणमा ३० जनाविरूद्ध मुद्दा दर्ता गरेको छ । यसमध्ये १६ जना पुर्पक्षका लागि थुनामा रहेका छन् भने २ जना धरौटीमा रिहा भएका छन् ।
प्रकाशित मिति: २८ असार २०८०, बिहीबार
