२७ असार २०८०, बुधबार
२७ असार, काठमाडाैँ । प्रधानमन्त्री पुष्पकमल दाहाल प्रचण्डले पत्नी सीता दाहाललाई दागबत्ती दिएका छन् । हिन्दु संस्कार अनुसार भइरहेको अन्त्येष्टीमा पशुपति आर्यघाटमा पत्नी सीतालाई दागबत्ती दिएका हुन् ।
दाहसंस्कारअघि ब्रह्मनालमा राखिएको सीताको शवमा प्रधानमन्त्री प्रचण्डसहित उनका छोरी रेणु, गंगा, बुहारी सिर्जना त्रिपाठी र बिना मगर तथा नाती, नातिनीहरूले पनि सीतालाई श्रद्धाञ्जली अर्पण गरेका थिए ।
सीतालाई नेपाली सेनाको टुकडीले राजकीय सम्मान दिएको थियो । बुधबार बसेको मन्त्रिपरिषद् बैठकले सीतालाई राजकीय सम्मान दिने निर्णय गरेको थियो ।
बुधबार बिहान काठमाडाैँ थापाथलीस्थित नर्भिक अस्पतालमा सीता दाहालको निधन भएको थियो । उनी नसासम्बन्धी रोगबाट पिडीत थिइन् ।
प्रकाशित मिति: २७ असार २०८०, बुधबार
