२७ असार २०८०, बुधबार
२७ असार, काठमाडाैँ । पूर्वराजा ज्ञानेन्द्र शाहले प्रधानमन्त्री पुष्पकमल दाहाल प्रचण्डपत्नी सीता दाहालको निधनप्रति श्रद्धाञ्जली व्यक्त गरेका छन् ।
बुधबार माओवादी केन्द्रको पार्टी कार्यालय पेरिसडाँडामा आफ्ना प्रतिनिधिलाई पठाएर शाहले दाहालप्रति श्रद्धाञ्जली व्यक्त गरेका हुन् । सीता दाहालप्रति पूर्वराजा शाहको श्रद्धाञ्जली सन्देश लिएर पशुपतिभक्त महर्जन पेरिसडाँडा पुगेका थिए ।
प्रचण्डपत्नी सीता दाहालको बुधबार बिहान निधन भएको थियो । उनको पशुपति आर्यघाटमा आजै अन्तिम संस्कार हुनेछ ।
प्रकाशित मिति: २७ असार २०८०, बुधबार
