साताको पहिलो दिन बढ्यो सुनको मूल्य, कतिमा भइरहेको छ कारोबार ?

२४ असार, काठमाडाैँ । आज नेपाली बजारमा सुनको भाउ प्रतितोला ७ सय रुपैयाँले बढेको छ। शुक्रबारको तुलनामा आइतबार सुनको भाउ प्रतितोला ७ सय रुपैयाँ र चाँदी २० रुपैयाँले बढेको नेपाल सुनचाँदी व्यवसायी महासंघले जनाएको हो।

शुक्रबार प्रतितोला १ लाख १० हजार ६ सय रुपैयाँ रहेको छापावाल सुनको भाउ आइतबार बढेर १ लाख ११ हजार ३ सय रुपैयाँ र १ लाख १० हजार ५० रुपैयाँ रहेको तेजावी सुनलाई आज १ लाख १० हजार ७ सय ५० रुपैयाँ पुगेको महासंघले जनाएको छ।

त्यस्तै, आज चाँदी प्रतितोला १ हजार ३ सय ९५ रुपैयाँमा कारोबार हुने महासङ्घले जनाएको छ। यसअघि चाँदीको भाउ १ हजार ३ सय ७५ रुपैयाँ रहेको थियो।