२१ असार २०८०, बिहीबार
२१ असार, एजेन्सी । युरोपेली सङ्घ (इयू) को अदालतले स्पेनको अनुरोधमा क्याटालोनियाका तीन सांसदले युरोपेली संसद्लाई दिएको चुनौतीलाई बुधबार खारेज गरिदिएको छ ।
अदालतले कार्लेस पुइग्डेमोन्ट, टोनी कोमिन र क्लारा पोन्साटीले सन् २०२१ को संसदको निर्णयलाई प्रभावकारी रुपमा पुष्टि गर्दै दायर गरेका सबै निवेदन खारेज गरेको जनाएको छ ।
म्याड्रिडले प्रतिबन्धित क्याटलन जनमत संग्रह र स्पेनको दशकौंको सबैभन्दा खराब राजनीतिक सङ्कट निम्त्याउने स्वतन्त्रता प्रयास असफल भएपछि युरोपेली सङ्घका सांसदहरूले उनीहरूविरुद्ध कानुनी कारबाही गर्न सक्ने निर्णय चाहेको थियो ।
बुधबारको फैसलापछि जनमत सङ्ग्रहका क्रममा निर्वासनमा भागेका क्याटलोनियाली नेता पुइग्डेमोन्टले तत्काल अपिल गर्ने प्रतिबद्धता जनाएका छन् ।
कोन्मिन र पोन्साटी पनि बेल्जियममा स्व–निर्वासन समाप्त भएपछि विदेश भागेका छन् । पुइगडेमोन्ट र कोमिन सन् २०१९ को मे महिनामा युरोपेली संसद्मा निर्वाचित भएका थिए भने पोन्साटी सन् २०२० को फेब्रुअरीमा निर्वाचित भएका थिए ।
प्रकाशित मिति: २१ असार २०८०, बिहीबार
