३ असार २०८०, आईतवार
३ असार, काठमाडाैँ । काठमाडाैँ महानगरपालिकाले भोलीदेखि हलहरूमा भारतीय चलचित्र चल्न नदिने भएको छ ।
भर्खरै रिलिज भएको दक्षिण भारतीय फिल्म ‘आदिपुरूष’मा भएको जानकी भारतीय छोरी हुन् भन्ने आपत्तिजनक सन्देश नहटाएपछि भारतीय चलचित्र प्रदर्शन बन्द गर्ने मेयर बालेन शाहले जानकारी दिएका छन् ।
केही दिनअघि मेयर बालेनले उक्त अंश हटाउनका लागि तीन दिनको समय दिएका थिए । यद्यपी, फिल्ममा उक्त अंश कायम रहेको छ ।
यसबारे मेयर बालेनले लेखेका छन्, ‘काठमाडौँ महानगरपालिका क्षेत्रभित्र उक्त राष्ट्रहित विपरितको चलचित्रको प्रदर्शनलाई निषेध गरेर मात्र देशभित्रका अन्य क्षेत्र र विदेशमा सो चलचित्र प्रदर्शन हुन दिने हो भने त्यसले भ्रामक तथ्य स्थापित गर्ने भएकोले उक्त चलचित्रबाट आपत्तिजनक अंश नहटाएसम्म काठमाडौ महानगरमा कुनै पनि भारतीय चलचित्र प्रदर्शन गर्न भोलि देखि निषेध गरिएको छ ।’
प्रकाशित मिति: ३ असार २०८०, आईतवार
