२६ जेष्ठ २०८०, शुक्रबार
२६ जेठ, काठमाडाैँ । अर्थमन्त्री डा प्रकाशशरण महतले सरकारले आगामी बजेटमा ल्याएको गाँजा खेतीको योजनाबारे स्पष्टीकरण दिएका छन् ।
शुक्रबार प्रतिनिधिसभामा सांसद्का प्रश्नहरूको जवाफ दिँदै अर्थमन्त्री महतले गाँजा तान्ने हाम्रो परम्परा नै भएको समेत बताएका छन् ।
उनले भनेका छन्, ‘हाम्रो गाउँ गाउँमा चार जना ओरीपरि बसेर चिलिम तान्ने त परम्परै सामान्य हो त्यो त। हाम्रो संस्कृति देखि नै चलिआएको कुरा हो। अरुले रोक भन्यो अलि अलि साहायता रोकिदिएला भनेर रोक्यौं।’
मन्त्री महतले अहिले विदेशीहरूले समेत गाँजा प्रतिबन्ध हटाएर राम्रो लाभ लिइरहेको समेत दाबी गरेका छन् । यसबारे उनले भने, ‘अहिले उनीहरुले जम्मै खोलेर मेडिसिनल प्रपोजका लागि, रिक्रेसनका लागि भनेर ठूलो विजनेश गरिराख्या छ। आफैँले छोडिसक्यो।’
प्रकाशित मिति: २६ जेष्ठ २०८०, शुक्रबार
