२४ जेष्ठ २०८०, बुधबार
२४ जेठ, काठमाडाैँ । अभिनेता दयाहाङ राई नयाँ फिल्ममा अनुबन्धित भएका छन् । यार्सा फिल्मस्को ब्यानरमा निर्माण हुने फिल्म ‘कार्साङ’मा उनि अनुबन्धित भएका हुन् ।
फिल्ममा याम शेर्पाको लेखन तथा निर्देशन रहनेछ भने फिल्ममा छांयाकारमा पुरुषोत्तम प्रधान अनुबन्धित भएका छन् । फिल्मको ९० प्रतिशत छायाङ्कन बाह्रबिसे नगरपालिका –६ र बाँकी भोटेकोसीमा हुने निर्माण पक्षले जनाएको छ ।
फिल्मका अन्य कलाकार तथा प्राविधिक छिट्टै फाइनल गरिने निर्देशक शेर्पाले बताए । “फिल्मका बाँकी कलाकार अडिसनमार्फत छनोट गरिनेछ”, शेर्पाले भने ।
उनले फिल्म सामाजिक कथामा बन्नेसमेत जानकारी दिए । निर्देशक शेर्पाको यो डेब्यू निर्देशकीय फिल्म हो । उनले यसअघि थुप्रै सर्ट फिल्मको निर्देशन गरेका छन्।
प्रकाशित मिति: २४ जेष्ठ २०८०, बुधबार
