२१ जेष्ठ २०८०, आईतवार
२१ जेठ, काठमाडाैँ । समीक्षा अधिकारी र गोकुल खरेलको स्वर रहेको ‘ए सुवा’ बोलको गीतको भिडियो सार्वजनिक भएको छ । इन्जिनियर सागर खरेलका शब्द, दीपक शर्माको सङ्गीत रहेको गीतमा उदय राज पौडेलको एरेन्ज रहेको छ । जसमा मोडलद्वय समारिका दाहाल र जोन बमको अभिनय रहेको छ ।
सुदूरपश्चिमको मौलिक भाषामा आधारित प्रेमिल सम्बोधन हो ‘ए सुवा’ त्यस्तै प्रेमीकाले प्रेमीलाई ‘ए साई’ भन्छन् । कञ्चनपुरका गायक गोकुलले ‘ए सुवा’ मार्फत एक जोडीको रमाइलो प्रेम कथा देखाउन खोजेका छन्।
ए सुवामार्फत् प्रेमील जोडीको रोमाञ्चक प्रेम कथालाई कलात्मक रूपमा भिडियोमा निर्देशक उत्तम श्रेष्ठ शिशिरले प्रस्तुत गरेका छन्। गायक गोकुल हाल व्यवसायको सिलसिलामा जापानमा छन् ।
गायक गोकुलले यसअघि फुलेको फूल, सिकाउँदै छ केही, उडाइलगेछ, आधा परान, कहाँ थियौँ, हामी स्वास्थ्यकर्मी, राष्ट्रिय गीत गुन्द्रुक ढिँडो, भमरा लगायतका एक दर्जन बढी गीत बजारमा ल्याइसकेका छन्।
प्रकाशित मिति: २१ जेष्ठ २०८०, आईतवार
