११ जेष्ठ २०८०, बिहीबार
११ जेठ, एजेन्सी । कोपा इटालिया कप फुटबलको उपाधि इन्टर मिलानले जितेको छ । रोमामा बुधबार राति भएको खेलमा इन्टरले फियोरेन्टिनालाई २-१ गोलले हराउँदै उपाधि जितेको हो ।
इन्टरको यो लगातार दोस्रो उपाधि हो । इन्टरलाई उपाधि रक्षा गराउन दुवै गोल लोउटारो मार्टिनेजले गरे । फियोरेन्टिनाका निकोलस गोन्जालेसको सुरुवाती गोल गोल सान्त्वना बन्यो । तेस्रो मिनेटमै निकोलस गोन्जालेजले गोल गर्दै फियोरेन्टिनालाई अग्रता दिलाएका थिए ।
त्यसपछि २९औँ मिनेटमा लोउटारो मार्टिनेजले गोल गर्दै खेललाई बराबरीमा ल्याए । ३७औँ मिनेटमा लोउटारो मार्टिनेजको व्यक्तिगत दोस्रो गोल टोलीको जितमा पर्याप्त बन्यो । इन्टरको यो समग्रमा नवौँ कोपा इलालिया उपाधि हो ।
प्रकाशित मिति: ११ जेष्ठ २०८०, बिहीबार
