१९ बैशाख २०८०, मंगलवार
१९ वैशाख, काठमाडाैँ । नेकपा एमालेका सांसद लक्ष्मी महतो कोइरी निलम्बित भएका छन् ।
सचिवालयले दिएको जानकारी अनुसार हत्या आरोप लागेका उनलाई मंगलबार निलम्बन गरिएको हो । संसद सचिवालयले उनलाई निलम्बन गरेको सुचना टाँस गरेको छ ।
गत मंसिर ४ मा भएको चुनावमा उनी महोत्तरी क्षेत्र नम्बर १ बाट निर्वाचित भएका थिए । उनीमाथि शस्त्र प्रहरीका असई थमन विकको हत्या गरेको आरोप लागेको छ ।
उच्च अदालत जनकपुरले उनलाई हत्या आरोपमा थुनामा राख्न आदेश दिएको थियो । उनी त्यसपछि भागिरहेका छन् ।
प्रहरी प्रधान कार्यालयले उनको खोजी गर्न सहयोग माग्दै संसद सचिवालयलाई दुई पटक पत्र लेखेको थियो ।
प्रकाशित मिति: १९ बैशाख २०८०, मंगलवार
