१८ बैशाख २०८०, सोमबार
१८ वैशाख, काठमाडाैँ । राष्ट्रिय आविष्कार केन्द्रका संस्थापक अध्यक्ष महावीर पुन र सरकारबीच सहमति भएको छ ।
सोमबार उपप्रधान, रक्षा तथा कानून मन्त्री पूर्णबहादुर खड्का र महावीर पुनबीच ७ बुँदे सहमति भएको हो ।
आविष्कारसम्बन्धी कार्य गर्न सरकारले कोष बनाउने र कोषबाट अनुसन्धान तथा विकास, नवप्रवर्तन तथा आविष्कारसम्बन्धी कार्यहरूमा लगानी गर्ने सहमति पत्रमा सरकारका तर्फबाट र आविष्कार केन्द्रका तर्फबाट हस्ताक्षर गरिएको छ ।
सरकारसँग सहमति भएसँगै माइतिघरमा जारी प्रदर्शन स्थगित भएको छ । पुनले सरकारसँग विभिन्न माग राख्दै गत शुक्रबारदेखि धर्ना सुरू गरेका थिए।
प्रकाशित मिति: १८ बैशाख २०८०, सोमबार
