१७ बैशाख २०८०, आईतवार
१७ वैशाख, काठमाडाैँ । सरकारले राष्ट्रिय आविष्कार केन्द्रका प्रमुख महावीर पुनको माग पुरा गर्ने प्रतिबद्धता व्यक्त गरेको छ । आइतबार सिंहदरबारमा भएको वार्तापछि सोमबारसम्ममा माग पुरा गर्ने प्रतिबद्धता सरकारले व्यक्त गरेको हो ।
सरकारको तर्फबाट उपप्रधान एवम् रक्षा र कानुनमन्त्री पूर्णबहादुर खड्का र मुख्यसचिव शंकरदास बैरागी वार्तामा सहभागी थिए । त्यसैगरी, पुनको तर्फबाट पुनसहित ३ जना वार्तामा सामेल भएका थिए ।
‘प्रधानमन्त्रीज्यूको निर्देशनअनुसार उपप्रधान एवम् रक्षामन्त्री पूर्णबहादुर खड्काज्यूको अफिसमा हामीलाई बोलाउनु भयो । हाम्रो मागका बारेमा सल्लाह सुझावहरु माग्नुभयो । अहिले हामीले आज बेलुका पाँच बजेभित्रमा दुबै पक्षको एउटा टोली गठन गरेर सकेसम्म आज रातारात गर्ने नभए भोलिसम्ममा यो समस्या समाधान गर्ने भनेर निर्णय भएको छ ।’ उनले वार्तापछि सञ्चारकर्मीहरूसँग भनेका छन् ।
पुनले अनुसन्धान, नवप्रवर्तन र आविष्कारको क्षेत्रमा राज्यले लगानी बढाउनुपर्ने माग गर्दै धर्ना सुरू गरेका थिए । उनको धर्नामा विभिन्न पार्टीका नेताहरू तथा अभियन्ताले एैक्यबद्धता जनाएका थिए ।
प्रकाशित मिति: १७ बैशाख २०८०, आईतवार
