१५ बैशाख २०८०, शुक्रबार
१५ वैशाख, काठमाडाैँ । पूर्वराजा ज्ञानेन्द्र शाहको सचिवालयले पूर्व युवराज्ञी हिमानी शाहको सामाजिक सञ्जाल नभएको बताएको छ ।
शुक्रबार एक विज्ञप्ती जारी गर्दै सम्बाद सचिवालयले पूर्वराजा ज्ञानेन्द्र शाह, पूर्वरानी कोमल शाह र पूर्वयुवराज्ञी हिमानी शाहले सामाजिक संजाल नचलाउने बताएको हो ।
‘निराधार कपोकल्पित भ्रमजालबाट मुक्त रहन सबैमा आग्रह गर्दै आस्था र मर्यादामा आँच नपुर्याउन पनि अनुरोध गरेको छ।’ यस सम्बन्धमा दुई वर्ष अगाडी पनि सचिवालयले यस्तै विज्ञप्ति निकालेर जानकारी दिएको स्मरण गराउँदै शुक्रबारको विज्ञप्तीमा भनिएको छ ।
बिहीबार नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले पूर्व राजा ज्ञानेन्द्र शाहलाई धेरै चलखेल भन्दै बिहिबार चेतावनी दिएका थिए। उनले हिमानी शाहको फेक ट्वीटर अकाउन्टबाट पोस्ट भएको सामाग्रीका विषयमा ओलीले रिस पोखेका थिए।
प्रकाशित मिति: १५ बैशाख २०८०, शुक्रबार
