२६ भाद्र २०८३, शुक्रबार
काठमाडौं । भोटेकोशी बाढीमा बेपत्ता भएको १६ दिनसम्म पनि इन्जिनियर दम्पतीसहित उनीहरूका दुई सन्तानको अवस्था पत्ता लाग्न नसकेपछि परिवारले हिन्दू परम्पराअनुसार चारै जनाको कुशको शव बनाएर अन्तिम संस्कार गरेको छ ।
त्रिशूली–३ बी जलविद्युत् आयोजनामा कार्यरत बागलुङ नगरपालिका–९ तित्याङका ३३ वर्षीय राजेश शर्मा पौडेल, उनकी ३१ वर्षीया पत्नी प्रमिला पाठक, चार वर्षीय छोरा आदित्य र दुई वर्षीया छोरी अदिति बाढीपछि बेपत्ता भएका थिए ।
लामो समयसम्म खोजी गर्दा पनि उनीहरू नभेटिएपछि परिवारले बिहीबार धार्मिक विधिअनुसार अन्तिम संस्कार गरेको हो । चारै जना बेपत्ता भएपछि परिवार शोकमा डुबेको छ।
प्रकाशित मिति: २६ भाद्र २०८३, शुक्रबार
