२५ भाद्र २०८२, बुधबार
काठमाडौँ । व्यवसायी दुर्गा प्रसाईले जेन–जी पुस्ताप्रति आभार व्यक्त गर्दै आगामी सरकारले जनताको प्रमुख मागहरू पूरा गर्नुपर्ने बताएका छन्।
उनका अनुसार आन्दोलनको मुख्य ध्येय घरजग्गा गुमाएका नागरिकलाई पुनः फिर्ता दिलाउनु, २० लाखमुनि ऋण लिएका गरिबको ऋण मिनाहा गर्नु, सहकारी पीडितको रकम सरकारले जिम्मा लिनु र वैदेशिक रोजगारीमा रहेका नेपालीलाई स्वदेश फर्काउने वातावरण बनाउनु हो।
साथै उनले नेपाललाई धार्मिक स्वतन्त्रतासहितको हिन्दु अधिराज्य पुनर्स्थापना गर्नुपर्ने बताएका छन्। मन्त्री, सांसद वा प्रधानमन्त्री बन्ने चाहना नभएको स्पष्ट गर्दै उनले “जनताको पीडा समाधान नै हाम्रो अभियान” रहेको बताए।
अन्त्यमा, प्रसाईले जेन–जी पुस्ताको बलिदान र योगदानलाई उच्च सम्मान गर्दै “अब कुनै नेपाली नागरिकले बलिदान दिन नपरोस्” भन्ने प्रार्थना गरेका छन्।
प्रकाशित मिति: २५ भाद्र २०८२, बुधबार
