१३ भाद्र २०८२, शुक्रबार
काठमाडौँ। गैरआवसिय नेपाल संघका एनआरएनएका पूर्वअध्यक्ष कुल आचार्यले एनआरएनहरुलाई दोहोरो नागरिकता दिएपछि सम्पती बेचेर लैजाने गरेको आरोप लाग्ने गरेको बताउएका छन् ।
गैरआवासीय नेपाली संघ एआरएनए उच्चस्तरीय समितिले संघको अन्तर्राष्ट्रिय समन्वय परिषद्लाई नगद तथा जिन्सी सामग्री हस्तान्तरण गर्न आयोजना गरेको कार्यक्रममा उनले त्यस्तो आरोप लागेपनि एनआरएनहरुलाई नागरिकता दिने हो भने सम्पती बेचेर नजाने स्पष्ट पारे । उनकाअनुसार एनआरएनहरुले अझै पनि सहजै नागरिकता नपाउँदा सम्पती बेचेर जानुपर्ने अवस्था रहेको छ । त्यसको अन्त्यका लागि सरकारले सहजै गैरआवसिय नेपालीहरुलाई नागरिकताको प्रवन्ध गर्नुपर्ने उनले बताए । जन्मुभूमिको माटो बेचेर संसारभर रहेका नेपालीले सम्पती विदेशमा लैजान पनि नहुने आचार्यको भनाइ रहेको छ । उनले विदेशमा रहेका नेपालीहरुले आर्जेको कमाइ नेपालमै लगानी गर्नुपर्ने समेत बताएका छन् ।
पूर्वअध्यक्ष आचार्यले,‘जन्मभूमिको माटो बेचेर विदेशी भूमिमा नलगदिनुस् । हामीले जतिसकिन्छ नेपालमै लगानी गरौँ । देशमा जस्तो अवस्था भएपनि एनआरएनहरुले गरेको लगानी राम्रै भएका छन् । त्यस्तो नराम्रो केही भएको छैन् । मातृभूमिको माटो बेच्नु हुँदैन मेरो सबैमा अनुरोध यही छ ।’
कार्यक्रममा गैरआवासीय नेपाली संघ उच्चस्तरीय समितिका प्रतिनिधिहरूले संघको आगामी कार्यक्रम र गतिविधि सहज बनाउन आवश्यक सहयोगस्वरूप नगद तथा जिन्सी सामग्री उपलब्ध गराएका थिए ।
प्रकाशित मिति: १३ भाद्र २०८२, शुक्रबार
