३ भाद्र २०८२, मंगलवार
काठमाडौँ । आन्तरिक विवाद समाधानसहित आगामी रणनीति तय गर्न नेपाल कम्युनिष्ट पार्टी (एकीकृत समाजवादी)ले यही भदौ २५ गते स्थायी कमिटी बैठक आह्वान गरेको छ। बैठक पार्टी केन्द्रीय कार्यालय आलोकनगरमा बस्नेछ।
पार्टी केन्द्रीय प्रचार विभागका उपप्रमुख दामोदर अर्यालका अनुसार बैठकमा प्रदेश, जिल्ला र कमिटी अधिवेशन, आन्तरिक विवाद समाधान, संगठनात्मक कार्यक्रम, समाजवादी अभियानको समीक्षा, तथा आगामी राजनीतिक रणनीतिबारे छलफल हुनेछ।
साथै, महासचिव घनश्याम भुसाल नेतृत्वको कार्यदलले गरेको कामको समीक्षा गरी नयाँ चरणको कार्यक्रम तय गर्ने तयारी छ। बैठकमा समाजवादी विचारधारा भएका दलसँग सहकार्य, वाम एकता र समाजवादी मोर्चा सशक्तिकरणबारे पनि छलफल हुने जनाइएको छ।
प्रकाशित मिति: ३ भाद्र २०८२, मंगलवार
