आज दुई संसदीय समितिको बैठक बस्दै

काठमाडौं। संघीय संसद अन्तर्गतका कानून, न्याय तथा मानव अधिकार समिति र अर्थ समितिको बैठक मङ्गलबार सिंहदरबारमा बस्ने भएका छन्।

कानून, न्याय तथा मानव अधिकार समितिको बैठक दिउँसो १ बजे सुरु हुनेछ। यस बैठकमा नेपाल कानून व्यवसायी परिषद (दोस्रो संशोधन) विधेयक, २०८१ सम्बन्धी दफावार छलफल हुने कार्यसूची छ।

अर्थ समितिको बैठक दिउँसो ३ बजे समितिको बैठक कक्ष, सिंहदरबारमा बस्नेछ। यस बैठकमा वैकल्पिक विकास वित्त परिचालनसम्बन्धी मस्यौदा प्रतिवेदनमाथि छलफल गर्ने कार्यक्रम तय भएको छ।