२ भाद्र २०८२, सोमबार
काठमाडौं । नेपाल तरुण दलले आफ्नो पाँचौं महाधिवेशन आगामी मंसिर २६ देखि २८ गतेसम्म गोदावरीमा गर्ने भएको छ।
नेपाली कांग्रेसको सहमति अनुसार तरुण दलले वडा, पालिका, जिल्ला र प्रदेशसम्मका अधिवेशन सम्पन्न गरी महाधिवेशन गर्ने तयारी अघि बढाएको हो।
कार्यतालिका अनुसार भदौ १५ भित्र सदस्यता वितरण र पालिका अधिवेशन, असोज १० भित्र जिल्ला अधिवेशन र असोज ३० भित्र प्रदेशसभा निर्वाचन क्षेत्र तथा प्रतिनिधिसभा क्षेत्रीय अधिवेशन सम्पन्न गर्ने योजना छ।
यस्तै, कात्तिक मसान्तसम्ममा जिल्ला अधिवेशन र मंसिर १० भित्र सातै प्रदेशको अधिवेशन सम्पन्न गर्ने कार्यक्रम तय गरिएको छ।
प्रकाशित मिति: २ भाद्र २०८२, सोमबार
