१९ श्रावण २०८२, सोमबार
काठमाडौँ । नेकपा (एमाले) अध्यक्ष तथा प्रधानमन्त्री केपी शर्मा ओलीले कार्यवाहक अध्यक्ष रूपमा वरिष्ठ उपाध्यक्ष ईश्वर पोखरेललाई हस्तान्तरण गरेका छन् ।
ओली भूपरिवेष्ठित विकासशील राष्ट्रहरू (एलएलडिसी)को तेस्रो संयुक्त राष्ट्रसंघीय सम्मेलनमा भाग लिन तुर्कमेनिस्तान प्रस्थान गरेसँगै पोखरेल कार्यवाहक अध्यक्ष बनेका हुन् ।
एमाले प्रचार विभाग प्रमुख राजेन्द्र गौतमका अनुसार, एमाले विधान २०४९ (संशोधन २०७८) को धारा २१(२) ले अध्यक्ष अनुपस्थितिमा वरिष्ठ उपाध्यक्षले कार्यवाहक अध्यक्षको भूमिका निर्वाह गर्ने व्यवस्था गरेको छ । सोही आधारमा पोखरेललाई जिम्मेवारी सुम्पिएको हो ।
ओली यही साउन २३ गते, शुक्रबार राति स्वदेश फर्किने कार्यक्रम रहेको छ । यो अवधिमा पोखरेलले पार्टी सञ्चालन सम्बन्धी सम्पूर्ण कार्यभार सम्हाल्नेछन् ।
प्रकाशित मिति: १९ श्रावण २०८२, सोमबार
