६ श्रावण २०८२, मंगलवार
काठमाडौँ। उपप्रधानमन्त्री एवं शहरी विकासमन्त्री प्रकाशमान सिंहले संघर्षबाट प्राप्त अधिकार सुरक्षित गर्न सबैले ध्यान दिनुपर्ने बताएका छन् ।
काठमाडौंमा मंगलवार आयोजित एक कार्यक्रमलाई सम्बोधन गर्दै उनले यस्तो बताएका हुन् । उनले अधिकारसँगै जिम्मेवारी भुल्न नहुने बताए । उनले अधिकारको कुरा पनि उठाउनुपर्ने तर आफ्नो जिम्मेवारी भुल्न नहुने स्मरण गराए । संघर्ष गरेर ल्याएको अधिकार सुरक्षित राख्न पनि सोच्ने समय आएको उनको भनाइ छ । नेपाल टेलिकमलाई अझ राम्रो बनाउने काममा सरकार लागिपर्ने बताए ।
उपप्रधानमन्त्री सिंहले भने, ‘अधिकारको कुरा गर्दैगर्दा अधिकारसँगै जिम्मेवारीको कुरा पनि आउँछ । यसमा हामीले ध्यान दिनुपर्छ । अधिकारको कुरा पनि उठाउनुपर्छ तर अधिकार मात्रै भनेर जिम्मेवारी वहन गर्न भुल्नु हुँदैन । प्राप्त गरेको अधिकार हो, त्यत्रो संघर्ष गरेर ल्याएको अधिकार सुरक्षित राख्न पनि सोच्ने समय आएको छ । टेलिकम सरकारकै कम्पनी हो । राजश्व पनि सबैभन्दा बढी बुझाउने संस्था हो । अझ राम्रो गर्न सरकारले गर्ने काम हामी गर्नेछौँ । सेवा सहज बनाउन सरकारले गर्नेछ ।’
उपप्रधानमन्त्री सिंहले ट्रेड युनियनको अधिकार कसैको दयामायाले नदिएको बताए । संविधानको मर्मअनुरुप जनतालाई सुविधान दिनुपर्ने बताए । नकारात्मक कुरा गरेर मात्रै नहुने भन्दै अब समाधानसहित अघि बढ्न जरुरी रहेको बताएका छन् ।
प्रकाशित मिति: ६ श्रावण २०८२, मंगलवार
