३ श्रावण २०८२, शनिबार
काठमाडौँ। गृहमन्त्री रमेश लेखकले प्रहरीका हतियारहरू पुराना भएका र काम नलाग्ने अवस्था भएका कारण सरकारले हतियार किन्ने तयारी गरेको बताएका छन् ।
केही महिनाअघि तीनकुनेमा भएको राजावादी प्रदर्शनमा प्रहरीले हानेको टियरग्याँस डेट एक्सपायर भएको भन्ने चर्चाबारे प्रशंग निकाल्दै मन्त्री लेखकले नयाँ नकिनेसम्म पुरानै हान्नुपर्ने अवस्था रहेको उल्लेख गरे ।
उनले भने, ‘टियरग्यास हान्नुपर्या । डेट एक्सपायर टियरग्याँस हान्यो भन्ने कुरा उठ्यो । अब टियरग्याँसनयाँ किनेन भने त डेट एक्सपायर हान्नुपर्ला नि । अनि डेट एक्सपायर हान्ने कि नयाँ किन्ने ? किन्नुपर्छ । त्यसो भएको हुनाले आवश्यक हतियार किनिन्छ । कानुन बमोजिम किनिन्छ । पारदर्शी ढंगले किनिन्छ । र चालु आर्थिक वर्षको सिमाभित्र बसेर किनिन्छ ।’
हतियार खरिद गर्दा कानूनसम्मत र पारदर्शिता कायम रहने बताएका छन्।
प्रकाशित मिति: ३ श्रावण २०८२, शनिबार
